剛剛喺PMQ公司露台，（我公司在二樓）聽倒有架車boot 得好大聲，繼而殺車一陣撞擊聲音。一望出露台，有個女在已經喺的士車底。
我馬上跑落街，幫手報警，但我見倒個女仔身型撓曲，開始標血。我已經有點失控。但點都幫手報警，在場有好多人開始睇吓有咩幫倒手。個女仔不停叫好痛，好彩附近有班睇緊球賽嘅大隻老外，一齊出來啲起架的士，
等架的士唔好壓住個女仔。
我當時其實報緊警但唔敢再望，只係不斷同999叫多啲人落來幫手。
我雖然冇目擊撞車經過，但聽倒其聲音嘅經過加邏輯推敲，喺一條細街嘅速度，都可以將個女仔捲入車底，個的士佬係幾咁恨同Agnry！！！！！
*********想喺度呼籲大家*************
揸車嘅俾啲耐性好唔好！
香港真係成日人車掙路，讓一讓，真係唔會阻倒你發達～
如果你係行人，請大家唔好睇手機，唔好聽ear piece，專心行路。
因為真係有好多好冇耐性冇品嘅人為左嚇你而dum 油。
祝願女子大步攬過。
喺生離死別之前，我覺得冇嘢俾命仔緊要。
祝願大家日日出入平安，身體健康。
祝好人平安。
***我今朝在現場，到現在還未定驚*** 😭🙏🏻
Search